სამეთვალყურეო საბჭო

თამარ იოსელიანი 17 წელია საჯარო მმართველობის სფეროში საქმიანობს, მათ შორის 15 წელიწადზე მეტი — ტრანსპორტის სექტორში. 2025 წლიდან ის იკავებს შპს საქართველოს აეროპორტების გაერთიანების სამეთვალყურეო საბჭოს თავმჯდომარის პოზიციას. 2023-2025 წლებში, თამარი ხელმძღვანელობდა ანაკლიის ღრმაწყლოვანი პორტის სამეთვალყურეო საბჭოს, ხოლო 2025 წლიდადან არის უმაღლესი საგანმანათლებლო დაწესებულებების ავტორიზაციის საბჭოს თავმჯდომარე. თამარის საქმიანობა ტრანსპორტის სექტორში 2010 წელს ერთიანი სატრანსპორტო ადმინისტრაციიდან დაიწყო, სადაც იგი ერთდროულად საქმიანობდა როგორც ავიაციის ისე საზღვაო და სახმელეთო ტრანსპორტის მიმართულებებზე. 2011 წლიდან თამარ იოსელიანმა საქმიანობა განაგრძო საქართველოს საზღვაო ტრანსპორტის სააგენტოში სხვადასხვა მენეჯერულ პოზიციაზე, ხოლო 2018–2023 წლებში სააგენტოს ხელმძღვანელის პოზიცია ეკავა. წლების განმავლობაში ის წარმოადგენდა საქართველოს საერთაშორისო საზღვაო პლატფორმებზე, მათ შორის გაეროში, IMO-ს და სხვა მრავალმხრივ ფორმატებში; ხელმძღვანელობდა დელეგაციებს და იყო საკონტაქტო პირი ისეთი საერთაშორისო პროექტებისთვის, როგორებიცაა IMO–Norway GreenVoyage 2050 და Black and Caspian Sea Project. 2017 და 2019 წლებში მოწვეული ლექტორის სახით ბათუმის სახელმწიფო საზღვაო აკადემიაში კითხულობდა საერთაშორისო საზღვაო სამართლის კურსს. თამარს მოპოვებული აქვს ქართულ-ამერიკული უნივერსიტეტის სამართლის ბაკალავრის ხარისხი. 2015 წელს, გახდა გაეროსა და ნიპონის ფონდის სტიპენდიატი და სწავლა განაგრძო დიდ ბრიტანეთში, საუთჰემპტონის უნივერსიტეტში. სტაჟირება გაიარა IMO-ში ლონდონში და გაეროს შტაბ-ბინაში ნიუ-იორკში. ასევე წარმატებით აქვს გავლილი Ocean Governance პროგრამა YEOSU Academy-ში (სამხრეთ კორეა) და დაასრულა Advanced Maritime Leaders Programme სინგაპურში — MPA Academy-ს და Singapore Management University-ის ერთობლივი ორგანიზებით. 2007–2009 წლებში თამარ იოსელიანს დასრულებული აქვს ლონდონის ეკონომიკისა და პოლიტიკური მეცნიერებების სკოლის (LSE) პროგრამა, კორპორაციული სამართალი და მმართველობის, საერთაშორისო სამართლის, კონკურენციის სამართლისა და პოლიტიკის, ინტელექტუალური საკუთრების სამართლის და კომერციული სამართლის მიმართულებით. იგი არის ქალთა ლიდერობისა და თანასწორობის აქტიური მხარდამჭერი ტრანსპორტის ინდუსტრიაში. 2016 წელს დააფუძნა Women’s International Shipping and Trading Association (WISTA) – Georgia და გახდა მისი პირველი პრეზიდენტი დღეს კი წევრის სტატუსი უჭირავს. 2022-2023 წლებში თამარ იოსელიანი საქართველოში წარმოადგენდა გაეროს მდგრადი განვითარების მიზანს – SDG14: „ცხოვრება წყლის ქვეშ“ – ელჩის სტატუსით. ფლობს ქართულ, ინგლისურ და რუსულ ენებს. 2025 წლიდან საქართველოს ეკონომიკისა და მდგრადი განვითარების მინისტრის მოადგილე.

საქართველოს აეროპორტების გაერთიანების სამეთვალყურეო საბჭოს წევრი. აღნიშნულ პერიოდამდე ბატონი მიხეილი იკავებდა სსიპ შემოსავლების სამსახურის უფროსის პოზიციას. საჯარო სექტორის გამოცდილების გარდა, მას ეკავა მენეჯერული პოზიციები, კერძოდ ეკავა დირექტორის პოზიციები კომპანიებში ანალიტიკოსთა და მეცნიერთა დარბაზი „დოქტრინა“, შპს „კაპიტალის კვლევითი ცენტრი“ და შპს „ჯორჯიან ბიზნეს ვიკი“. გარდა ამისა, ბატონი მიხეილს, საკონსულტაციო კომპანიებსა და უნივერსიტეტებში, აქვს კონსულტანტად, მკვლევარად და ლექტორად მუშაობის გამოცდილება. მას მოპოვებული აქვს ივანე ჯავახიშვილის ბაკალავრისა და მაგისტრის ხარისხები ეკონომიკის მიმართულებით.

2019 წლიდან შინაგან საქმეთა სამინისტროს მინისტრის მოადგილე. ბატონ გიორგის აქვს საჯარო სექტორში მუშაობის მრავალფეროვანი გამოცდილება. კერძოდ, ის იკავებდა საქართველოს დაზვერვის სამსახურის უფროსის მოადგილის, თავდაცვის მინისტრის მოადგილის, სსიპ „გადაუდებელი სამედიცინო დახმარების ცენტრის“ დირექტორი მოადგილის, საქართველოს შპს მცხეთა-მთიანეთის შს სამხარეო მთავარი სამმართველოს, მცხეთის მს რაიონული სამმართველოს უფროსის პოზიციებს. ასევე აღსანიშნავია შიდა აუდიტის გამოცდილება, ბატონი გიორგი იყო საქართველოს შრომის, ჯანმრთელობისა და სოციალური დაცვის სამინისტროს შიდა აუდიტის დეპარტამენტის უფროსი. მას მოპოვებული აქვს საქართველოს სახელმწიფო უშიშროების სამინისტროს აკადემიის სამართალმცოდნეობის, მაგისტრთან გათანაბრებული ხარისხი.

2018 წლიდან საქართველოს რეგიონული განვითარებისა და ინფრასტრუქტურის მინისტრის პირველი მოადგილე. მას აქვს საჯარო და კერძო სექტორში მუშაობის მრავალწლიანი გამოცდილება. კარიერის ადრეულ ეტაპზე ის იკავებდა სიღნაღის მუნიციპალიტეტის გამგებლის მრჩევლის პოზიციას სამედიცინო საკითხებში, ასევე საქართველოს მთავრობის ადმინისტრაციაში, ადმინისტრაციული დეპარტამენტის უფროსის მოადგილის პოზიციას და შემდგომ ადმინისტრაციული მართვის დეპარტამენტის უფროსის თანამდებობას. კერძო სექტორში მუშაობისას, ის იკავებდა მმართველ პოზიციებს დისტრიბუციის, სერვისის ლოჯისტიკისა და შესყიდვების მიმართულებით. ასევე იკავებდა დირექტორის პოზიციას ისეთ კომპანიებში როგორებიცაა თეგეტა მოტორსი, PSP ჯგუფი, CU Pharma. ბატონმა ბეგიაშვილმა დაამთავრა ქ. თბილისის ოჯახის ექიმის სამედიცინო ინსტიტუტი და მინიჭებული აქვს ექიმის კვალიფიკაცია.